Sonntag, 15. November 2009
Oktober 2009
Mittlerwile isch d Elin baud 5 Mönet aut u i bi bi.... baud 27 Mönet acho... Huch, so wit chani nu gar nid zeue :-)
D Elin isch witerhin äs absoluts Goudchäferli ;-) Sit duet am aueriliebschte am Morge uf ihrer Chrabudechi mit mir spile, ihri erschtä Brei-Versüäch si nu sehr verhautä, derfür isch so absolut stadiotougläch - o wesi di meischti Zit nu verschlaft u d Gou vom Papi drum nid mitbechunnt...:-)
I mache mim Übername us Lussmeitschi witerhin aui Ehr ;-). Wes lenger stiu isch um mi ume isches immer guet, we ds Mami öpe mau nachem rächtä luegt :-) Vo "Aui-Wingle-usruume-u-dä-Bäbi-alegä" über "di-bruchti-Wösch-sortiere" bis zu "d Ässware-ir-Chuchi-uszrume-u-ir-Stube-zversammle" ligt aues drin. Meischtens het ds Mami aber glich nur äs Schmunzle übrig ;-).
Soooo cool :-).
Am Papi si gröscht Fan!!! AZUL-AZUL-AZUL....ITALIA-ITALIA!;-)
Hie uf dr Plaza Venezuela.
Eini vo minä Lieblingsbeschäftigunge im Momänt si Puzzles - hani ganz sicher nid vom Papi gerbt ;-).
Mmmh, dä Monet het d Elin z erschtä Mau Breili becho... In Würklächkeit hets ihre aber nid haub so guet gschmöckt wis ufem Biud dr Aschiin macht :-).
Dä Monet heimer d Elin zum erschtä Mau mitgno ids Meer - si het zapplet vor Fröid :-) Isch ja zum Glück schön warm - u ä ideali Vorbereitig uf d Ferie im Dezämber *freu*.
Abonnieren
Posts (Atom)