9 Mönet

Hüt wirdi genau 10 Mönet aut. Mi Papi isch leider nid hie mit üs, är isch in Buenos Aires und spiut hüt Abe gägä Boca Juniors. MUUUCHA SUERTE PAPI, Te veré por la tele esta noche :-)

Dä Monet isch dr Papi meh uf Reise gsi aus deheim. Darum hei z Mami u i üs ganz mängisch mit Kolleginnä troffe, so dass d Zit chli schneuer verbi geit. Hie äs paar Föteli:

U süsch simer haut immer öpä mau widr ga bade - witerhin mis aueriliebschtä Hobby!

Uuu isch das bequem, nachem Ässä chli d Bei z strecke!

Dä Monet bini zum erschtä Mau chrank gsi, ganz höchs Fieber hani gha, aber dank äm Mami sim Ufpäppälä isches mr zum Glück schnäu wider besser gangä.

8 Mönet / Feriä ir Schwiz...

Mit 8 Mönet u 4 resp. 6 Täg hani mini erschtä zwöi Zähnli übercho! Gaaanz stouz hanisä am nächschtä Morgä am Mami id Kamera zeigt ;-)

Churz drufabä - nachdäm mir nu ä grossi Dosis Sunne u Wermi tankt hei gha - bini mitem Mami für guät 3 Wuche id Schwiz greist.

Hie mitem Chico am spile. Sis Wasserchübeli hets mr aber so richtig ata, meh aus einisch hetmi ds Mami müässä früsch alegä...

Hie äs paar Föteli vom Träffä mit äs paarnä Swissmoms im Ikea Spreitebach.

Uf dr Flucht vor dr Cheuti hets üs is Tessin verschlagä...

Gläbt heimr bim Juan und er Karina, ärä guätä Kollegin vom Mami und ihrne Giele Valentino und Kenson.

Hie mitem Gotti u angernä Kolleginnä vom Mami

Dank minä zwöi Zähnli bechumi itz o chli angers z Ässe über...

Derfür wird itz jedä Abä zämä mitem Mami Zäng putzt

Hie zämä mit mim Mami sinä Cousänä

Mit öpe 8 Mönet u 2/3 Wuche isch ds Schnaagge nur nu haub so spannend, itz stani überau uf!

Hie mit mim auerierschtä Oschternäschtli, bevor dass mr am Oschtermänti widr zrügg nach Venezuela gfloge si!