13 Mönet/Ouguscht 2008

Phu, viu Sache si widrmau passiert dä Monet, i weiss gar nid, wo afa...! I bi zerscht Mau frei ufgstangä, när simer zrügg uf Venezuela greist, i ha äääntläch ä drittä Zang becho ;-) und und und...

Aber schön dr Reihä na...

Hie simer di letschtä Täg ir Schwiz am gniesse... Bi schönem Wätter isch wi immer Marzili agseit gsi...

Hie bini am Gotti ihri Himbeeri am Furtässä :-)

Hie mitem Nando, emne Kolleg vo mir...

... und mit ihm am umd Bauä kämpfä.

Mmmmua! Äs Müntschi für ds Mami!

Hie simer bi Kollegä vo minä Grosseutere ufem Camping igladä gsi.

D Höheluft het mi so inspiriert, dassi zum erschtä Mau säuber ufgstange bi. Mis Mami isch natürläch höllä stouz gsi!

Nachdäm dassi am Grosi und am Grossäti mis nöischtä Kunschtstückli vorgfüährt ha gha, hani ruhig chönne zrüggreise nach Venezuela. Üsi Reis het aber nüm nach Maracaibo gfüährt, sondärn nach Merida, wo mi Papi ä Vertrag bi sim nöiä Club Estudiantes de Merida ungerschribe het.

Phu, so schlafe git scho warm! Ad Klimaumschtellig hani mi zersch müässä gwöhnä... Hie in Merida isches zwar nüm grad sooo heiss wie in Maracaibo, aber düre Tag düre wirds bi Sunneschiin trotzdäm schön warm.

Di erschti Wuche simer im Hotel gsi, das nid so eifach isch, hie ä Wohnig zfinge...

Zum Glück isches nid so lang gsi, äs wird nämläch schnäu einisch äng i somne Hotelzimmer. Aber i weissmi ja sogar uf chlinschtem Ruum super z beschäftigä...

Vor auem das Fernsehmöbeli...

...u di Glasschiebetür heimers bsundrigs ata!

Hie i üsere nöie Wohnig. Da mir ersch grade izoge si, isches nu chli unordentläch. Natürläch si aui mini Spiuzüg widr meeega interessant!

Im Quartier womer wohne hets ä Spiupi und ä grossä Pool.

Hie mitem Papi am Glace ässä! Mmmh...

Hie am Mami ihrem Geburtstag. Mir si ga Zmittag ässä, da säch dr Papi am Abä zämä mit sinä Mannschaftskollegä ufe erscht Mätsch am Sunnti konzentriert het.

I bi natürläch mit mim nöiä Estudiantes-Libli am Mätsch gsi :-)! Da hets ja ä 3-0 Sieg müässä gä... ;-)

Hie bim Widersehä mitr Naomi, mirä Cousine :-)

In letschter Zit hani ächt tolli Ideä! I stigä immer und immer widr uf ds Bett vom Papi u vom Mami, stilä aues, was mr id Queri chunnt, z.B. Brüue, Fernsehchäschtli, Natel...

...oder nu viu besser: I boue mit dä Gatoradefläschli ä Muur dürd Stube :-).

Hie bini zu mirä erschtä Poolparty igladä gsi zämä mitem Sebastian, ar Naomi und är Carla.

Ah hie ä witeri Super-Beschäftigung: I liebes mit dä Schuä vom Papi zspilä!

Schlussändläch heimer de glich nu einisch zrügg uf Maracaibo müässä... Dr Papi het nu Sachä zklärä gha mitem vorhärigä Club...

...u ds Mami hets usgnützt, auti Kolleginnä widerzgseh. Hie miter Lina.