Äääntläch mau widr äs paar nöii Fotis!!! Mis Mami isch ja sonä Schlaftablette! ;-)
Derfür heisäch itz ä ganzä Huufä Fotos agschtout... Viu Spass!
Uf mim mittlärwilä drittä Flug id Schwiz bini zum erschtä Mau nid nur mit mim Mami ungerwägs gsi. Dr Papi u dr Götti Miguel si mit üs greist.
Mi Götti, hie zämä mitem Gotti Manuela, isch fürnä Wuchä mit üs id Schwiz cho, für dasser bi minere Toufi am 1. Juni het chönne derbi sii.
Am Chico hani natürläch o Hallo gseit, bevormr de när scho widr witer si für zwöi Wuche a Strand vo Dubai...
Hie im Zug nach Züri a Flughafe - gseht wättermässig scho nu chli angers us aus ä haubä Tag spetr. ;-)
Phu, was fürnä Klimawächsu! Zum Glück simer üs scho chli a Hitz gwahnet vo Maracaibo, aber bi 43 Grad idä erschtä Täg hets nid für viu meh glängt aus Badä u Fulänzä.
Früh übt sich...
Hie im Mall of Emirates vor dr künschtlächä Schiipischtä...
Hie am Tag vom erschtä EM-Mätsch vor Schwizer Nati, natürläch vou am Mitfäänä! ;-)
Hie im Wasserpark Wild Wadi, womer üs mit Bekanntä vo minä Eutere troffe hei. Ihres Meitli, d Shirin, isch genau 5 Täg euter aus ig.
Genau hie in Dubai hani glehrt Chlatsche.
