Pünktläch ufe nöi Monet heimer chönne i üsi Wohnig zie. I ha aues müesse erkunde, so bini zum Bischpiu us däm Stueu nüm säuber füre cho u ds böse Mami het o nu müesse es Foto dervo mache ;-)
Nachdäm ds Grosi u dr Grossätti ä gueti Wuche uf dr Isla Margarita verbracht hei, sisi nu für 10 Täg zu üs uf Caracas cho. Auercheibs heimer zäme ungerno...
... Hie zum Bischpiu simer i Caracas Sport Club u hei dr Tag dert verbracht.
Dank em Grossätti sim private Schwümmungerricht chani itz scho ganz alei mit de Flügeli schwümme ;-)
Wemer deheim si, isch Male eini vo mine Lieblingsbeschäftigunge!
... Oder hie simer i Parque del Este gange am Mami ihrem Geburi.
Zwüschedrin heimer mit tatchräftiger Ungerstützig vom Grossätti - und natürläch vo mir ;-) - nu d Chinderzimmerwäng gstriche!
Hie simer mit dä Grosseutere a Strand abe gfahre. Dr Papi isch diräkt vom Flughafe us cho am Tag nach sim erschtä Match uswärts. Ds Mami het ihri Füürtoufi gha u isch dür haub Caracas und bis abe zum Flughafe mitem Outo zfahre u vo dert heimer dr Papi mitgno u si witer, ads Meer.
Uuu, so Dräckälä isch scho dr Hit :-)!
Mis Schwöschterli isch so fotogen, da cha ds Mami aube gar nüm ufhöre mit fötele ;-)!
Hie am erschte Heimmatch vom Papi mit sire nöie Mannschaft, zäme miter Delfina und er Martina.
Hie simer äs angers Mau ä Strand abegfahre.
Phu, isch das heiss! Sogar d Elin het gschwitzt wine Grossi!
Da het ä Abchüälig im warme Meer super guet ta!
Hie simer am Match vom Papi im Stadion vo Deportivo Italia, er Mannschaft vom Papi.
Da er Martina ihre Papi äbäfaus Mannschaft gwächslet het und widr mitem Papi zämäspiut, si si o nach Caracas zoge u mir hei üs im Ouguscht widr gseh! :-)
