JAEL und ELIN - üsi Sunneschiin!: 2007

So, zrügg us dr Schwiz, gniessemr z warmä Wätter u d Zit mitem Papi. Bir Ärztin simer o widr mau gsi - mini nöischtä Maas si: knapp 5-ä-haub Kilo und 60 cm. I ghöri drmit eher zu dä Finöggeli, aber süsch göngs mr super!

Gsehtr, wini artig tuä Breili ässä?! Mis Mami isch gloub nu nie so stouz gsi, dassi öpis nid vo ihrä ha ;-)

Auäs usgässä...!

Badä isch mis liebschtä Hobby! Hie bir Granja und witer obä im Hotel del Lago.

Hie gsehtr mau, wis bi mir im Zimmer so usgseht...

Mini erschti Wiehnachtä steit vor dr Tür! I fröiä mi uf di vilä Gschänkli ;-), uf mis Tanti Tamara u ufä Bärnu, wo üs chömä cho bsuächä und uf äs paar schöni Täg z Merida!

Öich aunä im Namä vor ganzä Familie ä wunderschöni Wiehnachtszit und äs guäts nöis Jahr!

Am Mami isches verleidet z Maracaibo, drum simer für 2 Wuche id Schwiz id Ferie cho.

Hie simer im Flugi vo Caracas nach Paris. Zum Glück gits immer so gäbigi Bettli, so chani schlafä wäränd em Flug und mis Mami cha säch o chli usruhiä.

Ir Schwiz acho, hei üs mini Grosseutere i Empfang gno. Si hei 2 Wuche super zu mir u zum Mami gluägt, mir chömä auso nu meh :-) Merci viu mau nu einisch!

Iiisig chauts Wätter hei mer gha, was für nä schöni Abwächslig gägäüber dä 35 Grad vo Maracaibo...

Hie mitem Tanti Tamara. Si het natürläch o ganz guät zu mir gluägt. Scho gli gseh mr üs widr, si chunnt über Wiehnachte uf Venezuela :-)!

Hie mit minä Urgrosseutere us Buchsi

Hie simer di beidä Cousänä vom Mami ga bsuächä, dr Till u dr Silas. Äntläch mau öper, wo wott mit mir mit dä Duplo schpilä...:-)

Hie mitem Gotti und mim nöiä Iisbär ;-) Merci numau!

Hie miter Grüschä...

...und em Xänä. Tantä u Götti vom Mami ;-)

Hie miter Cecy und em Tio Pipo, guätä Kollegä vo minä Eutere.

Hie miter Nadja, ärä guätä Kollegin und Ex-Gymer-Kollegin vom Mami.

Joël und Jael - wenn das mau ke Schicksau söu sii?! Nenei, auso i wett mi lieber nu nid grad nach mim erschtä männlächä Date mitem Sohn vor Karin, ärä Ex-Chorbbau-Kollegin vom Mami, feschtlegä :-) ...